నమశ్శివాయ తే

నమశ్శివాయ తే నమో భవాయ ॥నమ॥

సమానాధికరహితాయ శాంతాయ స్వప్రకాశాయ

ప్రమోదపూర్ణాయ భక్తౌఘపాలనాయ ॥నమ॥

గర్వితదానవలోకఖండనాయ శ్రీరజత-

పర్వతాగ్రనిలయాయ పావనాయ

సర్వలోకపాపపుంజ నిర్వాపణాయ శర్వాయ

దర్వీకరభూషణాయ సర్వోత్తమాయ ॥నమ॥

అండజాధిపవాహన కాండాయ మేరుశైలకో-

దండాయ శితికంఠాయ పండితాయ

మండిత త్రిపురజయోద్దండతాండవాయ బ్ర-

హ్మాండనిలయాయ మహామాయాతీతాయ ॥నమ॥

మందహాసవదనారవిందసుందరాయ యోగి

బృందానందదాయ శత్రుభీకరాయ

ఇందుసూర్యాగ్నినేత్రాయ వందిత ప్రమథగణాయ

నందివాహనాయ పోషిత బృందారకాయ ॥నమ॥

నిరుపమానందఘననిశ్చితాయ శాశ్వతాయ

వరదాభయంకరణాయ గిరీశాయ

తరుణేందుశేఖరాయ పరమపురుషాయ భవ-

హరణాయ శ్రీకాళహస్తీశ్వరాయ ॥నమ॥

గంగాభంగతరంగసంగత జటాజూటాయ

సంగీతలోలాయ శుభసంగతాయ

అంగజాంతరంగ మదభంగాయ స్ఫటికోప-

మాంగాయ శేషశైలాధీశమిత్రాయ ॥నమ॥